余顯華及屈旨盈在香港田徑總會(田總)主辦的「香港田徑系列賽2023 - 系列賽一」奪得好成績，成功封王封后，兩位冠軍更成功 PB 。
（圖IG：crystalvut）
在 2 月 26 日舉行的「香港田徑系列賽2023 - 系列賽一」已完成，屈旨盈在 10 000 米組別甩掉一眾跑步好手，以 36 分 55 秒 53 PB 封后，她與第二名相差約 3 分鐘。她形容此次 PB「非常意外」。屈旨盈：「PB，真係要配合好多因素，今日天氣涼涼哋，濕度唔高，跑落好舒服，一直感覺好順，保持穩定步速，無諗過PB，非常意外。」而亞季由黃祖琛及崔嘉翹獲得。
而男子組方面，余顯華打敗謝俊賢及莊司暘，以 31 分 19 秒 25 成功封王，亞軍由差 5 秒的謝俊賢奪得，而季軍莊司暘奪得。余顯華在渣馬後練習時疑似拉傷後肌，他形容：「嗰幾日跑步都有啲怪」，比賽前他確認自己狀態回覆了不少便決定參賽 10 000 米賽事。「起步時都係腳軟軟咁跑，好彩有謝俊賢一齊跑，可以互相帶，最後 31:19 (PB) 第一返到終點。」雖然已奪冠但仍然未感滿足。「星期六跑咗槍好似幾好又好似唔係幾好嘅 10000m⋯⋯跑完忍唔住諗：如果我無拉傷肌肉，如果我調整得好啲，會唔會有機會挑戰到 30 分嘅世界呢？」
